قال محمد الشناوي حارس مرمى النادي الأهلي، بأنه لن يرحل نهائيا عن النادي الأهلي ولا يستطيع أن يقول بأنه له فضل على النادي أو الجماهير، وأن محمود كهربا كان هو المسدد الرابع في ركلات الترجيح، ويستعرض موقع تحيا مصر تصريحات محمد الشناوي.
تصريحات محمد الشناوي
وأضاف محمد الشناوي في تصريحات تليفزيونية مع الإعلامي إبراهيم فايق على أم بي سي مصر 2، النادي الأهلي كبير ولا يوجد أي لاعب يضع شروطه أمام النادي الأهلي وأنا سعيد في النادي الأهلي، والفيديو المنتشر تم فهمه بطريقة خاطئة.
واستطرد محمد الشناوي، ضربات الجزاء ملهاش كبير وبتروح وتيجي وأي لاعب ممكن يضيع وخسرنا بسبب الحظ والتوفيق غاب عن الفريق وقدمنا كل شيء في الملعب وبقول لجماهير الأهلي مش تزعلوا وكان حلمنا نوصل للمباراة النهائية ومن جوه قلبي بعتذر لجماهير النادي الأهلي لأني فعلا مش عملت أي حاجه.
واختتم محمد الشناوي تصريحاته، أنا دايما بشيل المسئولية في النادي الأهلي وأحمد جاب الله شاهد على كل كلامي واللي حصل ودايما بقول للاعيبه مفيش حد يرد على الجماهير ولازم نسمع لبعض وأنا عارف أن الجماهير كانت زعلانه، ومش عارف إزاي أنا قولت أنا ماشي.
محمد الشناوي حارس الأهلي
محمود كهربا لم يتعدى ترتيبه في ركلات الترجيح وكان هو اللاعب المسدد للكرة رقم 4، والحالة الوحيد للتغيير لما اللاعب يرفض التسديد، أنا لاعب في النادي الأهلي زي أي لاعب وفيه قانون واحترام داخل النادي بتمشي على كل اللاعيبه وبيمشي على الكبير والصغير.
اللي بيغلط في النادي الأهلي بيتحاسب سواء كبير أو صغير، أنا ابن النادي الأهلي ومكمل في النادي وعمري ما همشي من النادي إلا عن طريق إدارة الأهلي ولآخر يوم في عمري في الأهلي.
جمهور الأهلي سند وضهر لينا وهدفنا الفوز بدوري أبطال أفريقيا والمنافسة في كأس العالم للأندية، والتركيز في بطولة أفريقيا والدوري
