كتير مننا، يعرف إن الروبيكي هي مدينة متكاملة لصناعة الجلود، وبتمتلك بنية تحتية قوية وخدمات مكتملة تدعم الصناعة دي، وكمان حاصلة على توافق بيئي ومحطة معالجة صرف بأعلى المعايير، ومتوافر فيها كل مدخلات الإنتاج والعمالة المؤهلة عشان تطور الصناعة دي، عشان كده الروبيكي جذبت مستثمرين كتير مؤخرا.
في الأيام الأخيرة، الحكومة أعلنت عن إطلاق الطرح الأول للمصانع الجاهزة في مدينة الجلود بالروبيكي بالمرحلة الثالثة، ومع الطرح ده بدأت طلبات المستثمرين المحليين والأجانب ترف على الروبيكي.
وكتير من المستثمرين قدموا طلبات حجز المصانع، وكان آخرها 43 مصنع جاهز للمستثمرين، هينتج المصنوعات الجلدية زي المنتج النهائي والصناعات المكملة له، وكل ده في مناخ ببتمتع بتسهيلات غير مسبوقة في السداد.
والمفاجأة إن متاح المستثمرين من أي مكان في العالم، تقديم طلب الاستثمار في مدينة الجلود الكترونيا، سواء يسحب الكراسات والتقدم عبر منصة مصر الصناعية الرقمية، وده مسموح لحد يوم 25 ديسمبر الحالي، فلو حضرتك مستثمر فممكن تقدم بخطوات بسيطة، وده من خلال الموقع وبعدين تدوس على خامة طرح وتخصيص، ثم طرح مدينة الجلود بالروبيكي، ولكن بعدها مطلوب إنك تعمل خطوات التسجيل وترفع المستندات المطلوبة بمنتهى السهولة والسرعة بدون أي جهد من حضرتك.
كمان، الشركة المسؤولة عن المشروع ده، بتستهدف التسهيل على المستثمرين وتنفيذ رؤية القيادة السياسية لجعل مدينة الجلود بالروبيكي أول مدينة عالمية متخصصة في صناعة الجلود في الشرق الأوسط وأفريقيا، وده طبعا من خلال استقطاب كبرى الشركات المحلية والبراندات العالمية المتخصصة في مجال المنتجات الجلدية سواء كانت تامة الصنع أو الصناعات المكملة والاكسسوارات الخاصة بيها.
عشان كده، بيتم توفير بيئة صناعية متكاملة، وبنية تحتية وخدمية متطورة مزودة بأحدث التقنيات ، ومقامة على أعلى معايير التوافق البيئي تطبيقا لمفهوم الاستدامة واللي بتمتلك أقوى محطة معالجة صرف تستوعب طبيعة الأنشطة بالمدينة.
وفي مدينة الجلود، متاحة أي مساحات للمصانع المطروحة عشان تناسب تطلعات المستثمرين، وكانت آخرها طرح 20 مصنع بمساحة 2000 متر مربع، و6 مصانع بمساحة 1000 متر، و17 مصنع صغير بمساحة 121 متر، كمان ممكن جدا يتم دمج عدد من المصانع للراغبين في مساحات مختلفة، بحيث تتماشى مع طاقاتهم الإنتاجية المخططة، بس ده هيكون بنظام التمليك بأسعار تنافسية وتيسيرات غير مسبوقة في السداد.
ولكن، لازم المستثمر يدفع 25% من سعر الوحدة، وبعد كده بيتم منحه سنة سماح قبل سداد الباقي على أقساط متساوية بتصل لحد 5 سنين. وبفائدة سنوية 10% بس
وعشان كل ده، فمتوقع جدا، إن مدينة بالروبيكي هتغير خريطة صناعة الجلود في الشرق الأوسط والعالم كله.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
