إزاي بورسعيد هتتحول لهونج كونج جديدة بالشرق الأوسط.. مفاجأة في التفاصيل - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

 
ايه العظمة اللي بتحصل في بورسعيد وازاي المحافظة والمنطقة هتتحول لمركز تجاري وصناعي عالمي بالبحر المتوسط وايه قصة المشروعات الجديدة اللي بتتبني هناك.. خليكم معانا للآخر وهتعرفوا التفاصيل في الفيديو ده.

بورسعيد من المحافظات اللي ليها وضع خاص في خريطة التنمية والانطلاقة الاقتصادية في مصر ودا بفضل موقعها الجغرافي المتميز واللي خلاها نافذة مصر على شرق المتوسط وأوربا وعشان كده بقي فيها أهم مينا في البحر المتوسط وهو مينا شرق بورسعيد واللي دخل مع ميناء دمياط قائمة أهم 100 ميناء على مستوى العالم  وميناء شرق بورسعيد تابع للهيئة العامة للمنطقة الاقتصادية لقناه السويس واللي تقدر تقول عليها هونج كونج مصر لان اللي بيحصل في إقتصادية قناه السويس دلوقتي مش هقدر تستوعبه من ناحية الصناعات والاستثمارات الضخمة اللي بتم في المنطقة.

محافظة بورسعيد اللواء محب حبشي صرح في الساعات الأخيرة بخصوص خطط المحافظة في قطاع الاستثمار والصناعة وكشف الحقيقة عن مفاجآت من العيار التقيل بما قال انه جاري حاليا دراسة إقامة مجمع للمصانع الجاهزة للتشغيل على مساحة 73.3 فدان بالمنطقة الصناعية بامتداد جنوب الرسوة لخدمة المصانع الصغيرة، ودا في مجالات الغزل والنسيج والملابس الجاهزة والصناعات الهندسية والغذائية والكيميائية يعني المنطقة هتتحول لقلعة مركزية لصناعة الغزل والنسيج ومع قرب المسافة بين مصر وأوروبا صناعة النسيج في مصر هتروح في حتة تانية لأن الإنتاج أغلبه هيروح للتصدير لاوروبا وكلنا عارفين سمعة صناعة الملابس في مصر كويسة ازاي في دول أوروبا ودا هيحقق طفرة اقتصادية كبيرة في الاقتصاد المصري وفي توفير الدولار.

نرجع لمحافظ بورسعيد واللي استعرض مع المسوؤلين عن الاستثمار والصناعة بالجهات المتخصصة  الموقف التنفيذي للمناطق الصناعية المعتمدة والمجمعات الصناعية بمحافظة بورسعيد واللي بتضم دلوقتي 5 مناطق صناعية بإجمالي مساحة 26211 فدان تشمل المنطقة الصناعية بجنوب بورسعيد "الرسوة" على مساحة 797.4 فدان، وامتداد المنطقة الصناعية بجنوب بورسعيد "الرسوة"  على مساحة 367.4 فدان، والمنطقة الحرة العامة ببورسعيد على مساحة 183 فدان، بالإضافة إلى المنطقة الصناعية ببورسعيد الجديدة والتي تقع على مساحة 1289 فدان، والمنطقة الصناعية بشرق بورسعيد (المنطقة الاقتصادية)  على مساحة 23574 فدان إلى جانب عدد 3 مجمعات صناعية قائمة بالمحافظة وهي مجمع الصناعات الصغيرة والمتوسطة بامتداد جنوب الرسوة  على مساحة 43.2 فدان، ومجمع "58 مصنع" على مساحة 10392 متر مربع، ومجمع 3 يوليو للصناعات الصغيرة والمغذية على مساحة 13065 متر مربع..  تخيل كده حجم المناطق الصناعية اللي اتعمل في الكام سنة اللي فاتو قد ايه وعرفت ليه بنقول لحضرتك أن بورسعيد هتكون كلمة السر في الاقتصاد المصري ودي مجرد بداية ولسه باقي المشروعات اللي تحت الإنشاء.