أكد اللواء سمير فرج، الخبير العسكري والاستراتيجي، أن الاستثمار في العنصر البشري وتوعيته هو أمر بالغ الأهمية، لاسيما في ظل حروب الجيل الرابع والخامس التي تعاني منها مصر.
وقال خلال تصريحات لبرنامج «درع الوطن» المذاع عبر شاشة «TEN» مساء الجمعة، إن الجميع يعيش اليوم على السوشيال ميديا ويقرأ الكثير من المعلومات مجهولة المصدر، دون التحقق من صحتها، معقبا: «دورنا أن نُوعّي الناس ويروا ما يحدث حولنا، وإزاي مصر مستهدفة، لازم نحافظ على مصر هذه الفترة، مصر منورة مش عايزين هذا النور يروح، أو نبقى زي هنا أو هنا، خاصة أننا مستهدفين مش عايزين يسيبونا في حالنا».
ونوه إلى ضرورة الثقة في الشعب والجيش والرئيس والحكومة، قائلا: «لازم نثق في شعبنا وجيشنا ورئيسنا وحكومتنا حتى تستمر مصر، نستحمل إحنا قعدنا 6 سنين في حرب الاستنزاف كانت الأسرة بتأخذ فرختين في الشهر على البطاقة، حد اتكلم وقال لأ! اتحملنا حتى حققنا النصر، نعدي الفترة الجاية؛ لأن الكل علينا والكل عايز يوقع مصر».
ودعا إلى عدم مشاركة معلومات مجهولة المصدر، متابعا: «الرئيس يعلم أبعاد الدولة وحاطط الـ 100 مليون في حضنه، ويريد لهم الأمن والأمان، علشان كدا بنقول للشعب اصبر ما تصدقش أي كلام غلط وخليك واعي، بلاش تشير معلومات مجهولة المصدر، بكدا مصر تكبر بالشعب مع جيشها، ومصر منورة شوف حوالينا إيه! لازم نخاف على الكلام ده ونحافظ عليه».
