أكتر من 100 ألف مصري السنة اللي فاتت عملوا مناسك الحج بتأشيرات زيارة، ودي تاشيرات مخالفة للقرارت المصرية والسعودية لعمل مناسك الحج.. ياتري السنة دي هيوصل عدد المصريين اللي هيعملوا مناسك الحج بالنوع ده من التاشيرات هيوصل لكام.. واية خطة الدولة للسيطرة عليها
السنة اللي فاتت كانت واحدة من اصعب السنين علي السعودية في موسم الحج، وده بسبب الأعداد الكبيرة اللي دخلت المملكة لعمل مناسك الحج بتاشيرات مخالفة لموسم الحج خصوصا تاشيرات الزيارة واللي دخلت بيها اعداد كبيرة من الناس، ودي تاشيرات مخالفة تماما ومينفعش حد يعمل بيها حج، لكن مصرح لحاملها انه يعمل بيها عمرة.
عندنا هنا في مصر أكتر من 100 ألف مواطن خرجوا من مصر متوجهين الي السعودية قبل ما موسم الحج بتأشيرات زيارة وبالفعل السعودية سمحت لهم بالدخول خصوصا ان النوع ده من التاشيرات مصرح لحامله يدخل المملكة طوال السنة باستتثناء الفترة بتاعة موسم الحج
وعلشان الناس اللي معاهم النوع ده من التأشيرات يتغلبوا علي النقطة دي، فكانت شركات السياحة بتوجه المواطنين بالسفر للسعودية قبل موسم الحج بفترة كافية خصوصا أن تاشيرات الزيارة مدتها 3 شهور، يعني المسافر يدخل ويقعد 3 شهور رسمي بدون اي مشاكل، وده اللي حصل، وفي ناس كتير دخلت قبل موسم الحج بأيام وعملت العمرة وكمان كملوا قعده هناك في عمارات وفنادق بعيدة في مناطق متفرقة في مكة المكرمة علشان يكونوا بعدين عن عيون الحكومة السعودية.
وطبعا شفنا اللي حصل السنة الللي فاتت وحالات الوفاة اللي وقعت نتيجة التزاحم وزيادة الأعداد وإزاي الحكومة المصرية فتحت تحقيق مع شركات السياحة اللي خالفت التعليمات واتسبب في المأساة اللي شفناها وتم بالفعل استبعاد شركات كتير منها وسحب تراخيصها.
السنة دي السعودية انتهت بدري بدري من تجهيزات موسم الحج، وبلغت الدول اللي هتشارك في الموسم انها لازم تنهي استعداداتها بدري علشان تقدر تحكم الدخول في المطارات والمنافذ وتقفل باب الزيارة، والتاشيرات المخالفة، ومصر حذرت الناس من السفر للسعودية، ونصحتهم أنهم ميكونوش ضحايا نصب لشركات جديدة باسم الحج ويسافروا بتأشيرات مخالفة علشان يعملوا الفريضة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
