لو عايز تحجز شقة في الإسكان الاجتماعي الجديدة تعمل إيه.. وإيه هي الشروط والإجراءات ومقدمات الحجز كام، وبعد ما وقفت عمليات شراء كراسات الشروط، امته تقدر تشتريها تاني.. هنقولك كل التفاصيل في الفيديو ده.
انهاردة، وزارة الإسكان والمجتمعات العمرانية، رجعت تبيع كراسات شروط شقق الإسكان الاجتماعي 2024 "سكن لكل المصريين 5" ، وده حصل بعد توقف بيع كراسة الشروط خلال الفترة من السبت 30 نوفمبر لحد التلات 3 ديسمبر 2024.
عشان كده، قالت مى عبد الحميد، الرئيس التنفيذى لصندوق الإسكان الاجتماعى ودعم التمويل العقارى، إنه تقرر مد فترة شراء كراسة الشروط وتسديد مقدم جدية الحجز لحد يوم الثلاثاء 31 ديسمبر 2024.
ونقدر نقول إن القرار ده بيجي هدفه تعويض المواطنين عن فترة التوقف المؤقت فى بيع كراسات الشروط بمكاتب البريد في أيام قبض المعاشات.
ونقدر نقول، إن إعلان المبادرة الرئاسية "سكن لكل المصريين 5"، شهدت إقبال كبير من المواطنين، ولحد دلوقتي تم بيع 220.740 كراسة شروط، وكمان سدد 42757 مواطن مقدم جدية الحجز بعد 3 أيام بس من الإعلان.
طب إيه هي شروط التقديم على شقق "سكن لكل المصريين 5" لسنة 2024؟
بص يا سيدي، أول حاجة إنك تكون مصري، وسنك من 21 ل 50 سنة، ودخلك الشهري صافي بالنسبة لمحدودي الدخل مايزيدش عن 12,000 جنيه للفرد و15,000 جنيه للأسرة، وللمتوسطي الدخل عن 20,000 جنيه للفرد و25,000 جنيه للأسرة.
أما الأوراق المطلوبة للتقديم على شقق "سكن لكل المصريين 5"، فه صورة بطاقة الرقم القومي للزوج والزوجة، وكمان صورة من عقد إيجار الوحدة السكنية الحالية، وأيضا شهادة دخل وإيصال مرافق حديث، وقيد عائلي مميكن وقسيمة زواج مميكنة، وكمان برنت تأمينات (إن وجد) وصورة شهادات ميلاد الأبناء.
ولازم تجهز إيصال سداد مبلغ جدية الحجز وإيصال سداد كراسة الشروط، وترفث الإقرار المرفق بكراسة الشروط بعد التوقيع عليه.
أما بالنسبة لخطوات التقديم على شقق، فأولها شراء كراسة الشروط من مكاتب البريد ب 300 جنيه، وبعد كده تسدد مقدم جدية الحجز 20,000 جنيه للشقق في المحافظات و30,000 جنيه، أما للشقق في المدن الجديدة، فالمصروفات الإدارية 355 جنيه، وبعد كدع تسجل إلكتروني، يعني تدخل على موقع صندوق الإسكان الاجتماعي ودعم التمويل العقاري، وتملا استمارة التسجيل وتفعيل الحساب.
وبعد كل ده، تقدم الطلب، يعني ببساطة تختار "تقديم طلب وحدة سكنية" وتملا استمارة الحجز وترفق المستندات المطلوبة، ثم إرسال الطلب وتعمل تأكيد نجاح العملية عبر رسالة تظهر في الصفحة الشخصية.
وخلي بالك، إن التقديم مستمر لحد نهاية ديسمبر 2024، عشان مده لازم تتأكد من تجهيز كل الأوراق المطلوبة وتلتزك بالشروط المحددة عشان تضمن قبول طلبك وحجز شقتك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
