البنك المركزي خذ خطوة مهمة جدا من خطوات تقليل الضغط والطلب علي الدولار، والخطوة دي هتعمل وفره كبيرة في العملات الأجنبية في مصر.. ياتري اية هيا الخطوة دي.. واية هتقلل الضغط علي الدولار.. تابعونا للآخر وهتعرفوا التفاصيل
في الفترة الرئاسية الجديدة، والقيادة السياسية وجهت الحكومة بعمل توازن اقتصادي بين الصادرات والواردات، وتقليل الاعتماد علي الموارد الأجنبية وخصوصا الدولار في الاستيراد، وده فعلا اللي عملته الحكومة وفعلا اخدت خطوة مهمة هتقلل بنسبة كبيرة معدلات الطلب علي الدولار لاستيراد أنواع وسلع كتير الموردين والمستوردين بيتشروها لتغطية احتياجات السوق المحلي من الخارج.
طيب اية هيا الخطوة اللي اخدها البنك المركزي وازاي هتقلل الضغط علي الدولار في مصر؟.
شوف حضرتك .. رسميا البنك المركزي أعلن عن انضمامه إلى نظام الدفع والتسوية الإفريقي بباس التابع لبنك التصدير والاستيراد الإفريقي "أفريكسيم بنك ، ودي خطوة بتهدف لتعزيز التجارة بين مصر والدول الإفريقية، ونظام بباس دا عبارة عن منصة مبتكرة بتيح تسوية المدفوعات والتحويلات عبر الحدود بسهولة وبتقلل التكلفة والزمن لتنفيذها.
البنك المركزي بيهدف من الخطوة الجديدة تخفيف الضغط على العملات الأجنبية وتعزيز التعاون الاقتصادي مع الدول الإفريقية، وتوسيع الحركة التجارية المتبادلة بين مصر والدول الأفريقية .
واحدة من المميزات اللي هيوفرها النظام الأفريقي للمدفوعات والتسويات هيا تحفيز البنوك العاملة في مصر والبنوك الأفريقية على التوسيع في التعاملات المالية ما بينهم خصوصا أن النظام ده بيضم 14 بنك مركزي من دول نيجيريا وغانا وليبيريا وجمهورية غينيا وزامبيا وسيراليون وجيبوتي وزيمبابوي وزامبيا وكينيا ورواندا وملاوي وتونس وجزر القمر، ده غير 50 بنك تجاري، وعدد كبير من البنوك اللي موجودة وبتمارس عملها في مصر أعلنت عن رغبتها في الدخول في النظام الأفريقي للمدفوعات والتسويات.
الاتفاقية الجديدة اللي وقعها البنك المركزي المصري بتتضمن كمان مراقبة مشاركة البنوك العاملة في مصر علي نظام المدفوعات والتسويات، وهتساعد في زيادة حجم التجارة بين مصر ودول القارة الأفريقية وهتعزز علاقات مصر الاقتصادية مع الدول الأفريقية وكمان هتساعد على تحقيق التكامل المالي بين دول القارة الأفريقية، وهتسهل المعروض من العملات الأجنبية من خلال آلية تسوية المعاملات الصافية بين الدول المشاركة في النظام الأفريقي .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
