الجديد في ملف الديون وفوايدها..مصر هتسدد كام في 2025 - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مصر واحدة من الدول اللي عليها ديون وفوايد ديون بتدفعها كل فترة، ومصر واحد من اهم الدول اللي متلزمة بسداد الديون وفوايدها.. ياتري الديون وفوايدها اللي مصر هتدفعهم في 2025 هيوصل لكام.. واجمالي الديون اللي موجودة علي مصر بتوصل لكام.. خليكم معانا للآخر وهتعرفوا التفاصيل في الفيديو ده

من سنين طويلة ومصر اخدت قروض من جهات متعددة خصوصا صندوق النقد الدولي، وفي 2024، مصر اعلنت التزمها بسداد الديون اللي عليها لصندوق النقد الدولي والدين الخارجي لمصر تراجع خلال العام الحالي بشكل كبير جدا، مصر حاليا ملزمة بسداد التزامات قصيرة الأجل بقيمة 2 مليار دولار لحد شهر يونيو 2025.

طيب اجمالي الديون اللي مصر هتسددها بتوصل لكام لحد 2025.

البنك المركزي قال في بيان له، أن مصر ملزمة بسداد مديونيات قصيرة الأجل بقيمة 37.5 مليار دولار لحد يونيو 2025، وأن الديون وفوايدها اللي سددتها مصر في 2024 ساهمت في تراجع الدين الخارجي لمصر واللي سجل 153.86 مليار دولار بنهاية مايو 2024 مقابل 168.03 مليار دولار في نهاية ديسمبر 2023، ووصلت نسبة التراجع لـ 14 مليار دولار في  أول 5 شهور من 2024 .

طيب مصر هتسدد كام من الديون وفوايدها في 2025؟.

البنك المركزي من كام ساعة طلع تقرير واتكلم فيه عن الديون وفوايدها اللي مستحقة علي مصر سدادها في 2025، وأكد أن قيمة الأقساط وفوائد الديون المستحقة على مصر السنة اللي جاية هتوصل لـ22.4 مليار دولار.

البنك المركزي أكد أن الإلتزامات الخارجية اللي موجودة عليه هتوصل لـ 31.1 مليار دولار لحد شهر يونيو 2025، ودي بتتوزع بين أصل قروض و6.3 مليار دولار فوائد عن الدين، بخلاف قيمة عقود تبادل العملة اللي بتوصل لـ 607 ملايين دولار.

البنك المركزي قال كمان  أن مصر ملزمة بسداد التزامات بقيمة 1.9 مليار دولار عن اتفاقيات بيع وإعادة الشراء، وأن مصر سددت مديونيات لصندوق النقد الدولي بتوصل لـ 3.17 مليار دولار في أول 6 أشهر من الحالي، وسددت كمان 257 مليون دولار تاني مع نهاية شهر يوليو اللي فات، خصوصا أن إجمالي المديونيات اللي كانت موجودة علي مصر في سنة 2024 كان بيوصل لـ  6.53 مليار دولار .

طيب اية انعكاسات سداد مصر للديون والفوايد اللي موجودة عليها؟.
خبراء المال والأقتصاد أكدوا أن مهمة مصر في سداد مديونياتها وإعادة تمويلها بقت سهلة بالمقارنة بالفترة اللي فاتت، خصوصا مع المؤشرات الاقتصادية اللي بتأكد عودة انتعاش الاقتصاد المصري بشكل كبير، وعودة تشغيل عدد كبيرة من المصانع اللي كانت متوقفة عن العمل في السنين اللي فاتت، وده هيرفع نسبة الصادرات المصرية للدول الخارجية، وهيقلل من الاستيراد الخارجي، وبالتالي الاقتصاد المصري في السنين اللي جاية هيكون اكثر توازن من السنين اللي فاتت، وده اللي خلي كبري المؤسسات المالية تدي نظرة مستقبلية للاقتصاد المصري وانخفاض معدلات المخاطر المتوقعة.