قرض الحج 2025..كلنا بنحلم بالحج، وفي ناس منا بتقوم وتنام علي الأمنية دي، بس الأسعار الخرافية لبرامج الحج خلت ناس كتير تخلت عن الحلم.. بس أنا دلوقتي هقولك علي حل مثالي ممكن من خلاله تحج وتعمل المناسك وتزور بيت الله الحرام بكل اريحيه.. لو عايز تعرف ده ازاي شوف التقرير ده للاخر.
خلاص فاضل فترة قليلة وهندخل علي موسم الحج وطبعا كلنا بنحلم بزيارة البيت الحرام ونفسنا نروح السعودية باي طريقة واي شكل علشان نعمل مناسك الحج ونزور بيت الله الحرام ونطوف في الصفا والمروة، ونقف علي جبل عرفات، ونغسل ذنوبنا ونرجع زي ما ولدتنا امهاتنا، لكن مع الأسعار اللي موجودة حاليا واللي بقينا بنسمع عنها خلت الحلم ده صعب جدا ده أن كان مش مستحيل.
طيب اسعار برامج الحج في مصر بتوصل لكام السنة دي؟.
عندنا هنا في مصر في 3 جهات بتنظم برامج الحج أولهم وزارة السياحة والآثار واللي بتنظم برامج الحج السياحي واللي السنة دي هتنظم 36 ألف تأشيرة للحج السياحي، واللي اعلنت كمان عن اسعار برامج الحج السياحي واللي بتبدأ من 225 الف جنية للبرنامج البري واللي بيكون في السفر بالبواخر والاتوبيسات وطبعا السفرية بتكون مرهقة جدا خصوصا لابنائنا وامهاتنا من كبار السن خصوصا أن السفر بيكون من مصر عن طريق ميناء سفاجا ومنه الحجاج بيركبوا عبارات يوصلوا ميناء العقبة في الاردن، ومنه بيركبوا اتوبيسات ويسافروا من الأردن للسعودية.
الحج السياحي بيقدم برامج مختلفة وطبعا الأسعار بتختلف من برنامج للتاني، واعلي سعر للبرامج اعلنت عنه الوزارة وبيوصل لـ580 ألف جنيه وده سعر البرنامج 5 نجوم، ولسه سعر البرنامج ده هيزيد تاني خصوصا أن لسه مش عليه تذاكر الطيران.
تاني حاجة في مصر بتنظم الحج هيا وزارة الداخلية واللي بتنظم قرعة حج الداخلية واللي اعلنت عن اسعار برامج الحج للموسم الحالي وبتوصل سعر البرنامج لـ220 ألف جنيه بدون اسعار تذاكر الطيران بروضوا.
تالت جهة بتنظم الحج هيا وزارة التضامن الاجتماعي واللي بتنظم حج الجمعيات الأهلية ودي لحد دلوقتي معلنتش عن الاسعار النهائية لاسعار برامج الحج.
طيب اية هو الحل اللي ممكن من خلاله اقدر اسافر واعمل مناسك الحج؟.
الحل ده قدمه بنك مصر واللي اعلن عن تقديم قروض للحج والعمرة واللي بتوصل لـ400 ألف جنية، والحد الأقصى لنسبة التمويل بيوصل لـ 100% من قيمة الرحلة، والحد الأقصى لمدة التقسيط بتوصل لـ 84 شهر في لتقسيط برامج الحج والعمرة من بنك مصر.
بنك مصر اشترط أن يكون الحد الأدنى للعمر للمتقدمين علشان يحصلوا علي القرض بيبدأ من 21 سنة والحد الأقصى لعمر المتقدم ميقلش عن 65 سنة وقت تاريخ الحصول على برامج تقسيط الحج والعمرة، وكمان البنك اشترط تقديم طلب لتقسيط الحج والعمرة، وتقديم صورة من بطاقة الرقم القومي بشرط أنها تكون سارية، وكمان تقديم إيصال مرافق حديث سواء كان غاز أو كهرباء أو مياه أو تليفون علي مقر الإقامة، وكمان تقديم عرض من شركة السياحة أو الجهة المنظمة للرحلة بقيمة رحلة العمرة أو الحج المطلوب تمويلها.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
