ايه اللي هيحصل في سوق الدهب الفترة الجاية وخاصة بعد تجاوز سعر الدولار ل50 جنيه في أول تعاملات البنوك الأحد... وايه علاقة الدولار بالمعدن الأصفر والسوق بيقول ايه.. خليكم معانا للآخر وهتعرفوا التفاصيل في التقرير ده.
في العالم كله معروف إن الدهب والدولار العلاقة بينهم عكسية يعني كل واحد ماشي في طريق عكس التاني تماما يعني لو الدولار سعره زاد يبقي الدهب هينزل بشكل تلقائي ولو الدولار سعره هبط يبقي الدهب سعره هيزيد وهكذا ودا لأن الدهب هنا بيعتبر أداة أمان عند البنوك المركزية العالمية والمستثمرين عند انخفاض أسعار الدولار والبنوك المركزية بتشتريه عشان تعوض هبوط قيمة الدولار في الاحتياطي النقدي وفي نفس الوقت أو تحوط ضد المخاطر الجيوسياسية في العالم..
والحقيقة العالم لسه فيه أزمات كتيرة كلها بتشكل خطر على التجارة الدولية وخاصة في منطقة الشرق الأوسط واللي كل مال الصراع فيها بيزيد وآخرها أحداث سوريا ودا بيخلي الطلب على المعدن الأصفر بيزيد عشان محدش عارف بكرة في ايه وقبل أحداث سوريا بنوك عالمية كتير ومراكز ابحاث توقعت استمرار صعود الدهب عالميا لغاية ماهيوصل 3 آلاف دولار وعندهم أسبابهم اللي قلنا عليها.
يعني التوقعات بتقول إن أسعار الدهب وخاصة في 2025 رايحة ناحية الارتفاع المستمر ودا مع عودة بنك الشعب الصيني أو البنك المركزي لعمليات شراء الدهب ودا اللي تم الإعلان عنه من ساعات وعمليات المركزي الصيني في شراء الدهب قبل كده عملت زيادة طلب كبير جدا على المعدن الأصفر وكان أحد أسباب ارتفاع الأسعار العالمية ودا معناه أن فيه بنوك مركزية تانية هتدخل في سباق شراء الدهب عالمياً ودا معناه زيادة مستمرة في الأسعار.
طيب واسعار الدهب في مصر رايحة على فين ؟
سوق الصاغة في مصر مرتبط طبعا بالاسواق العالميه ولأن مصر بتستورد جزء كبير من الدهب وبالدولار فدا معناه إن الدهب في مصر داخل على ارتفاعات جديدة الفترة الجاية ومن شوية كشف الدكتور ناجي فرج مستشار وزير التموين أنه من المتوقع أن يرتفع الدهب خلال الفترة الجاية ليصل إلى 3850 جنيه لعيار 21 والمسؤول قال كده عشان بيتوقع زيادة الأسعار عالميا مع التوترات الجيوسياسية بمنطقة الشرق الأوسط. وقال إن دا هينعكس أيضًا على السعر المحلي وتوقع كمان وصول سعر الدهب المحلي إلى 4500 جنيه للجرام في حالة وصول سعر الدهب إلى 3000 دولار للأوقية عالميًا لو استمرت الصراعات الدولية.
طبعا كل الخبراء بينصحوا اللي عاوز يستثمر في الدهب يلحق يشتري دلوقتي ويحزن لأن الأسعار هترفع بشكل كبير الفترة الجاية.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
