يا ترى لو أنت مسافر بره مصر وعايز تبعت فلوس لأهلك تعمل إيه.. وإيه هي أفضل وأسهل طريقة وفي نفس الوقت مايكونش في مصاريف خدمة، وتعمل إيه بالظبط عشان تبعات حوالة ناجحة بدون أي مجهود أو مصاريف.. هنقولك كل التفاصيل في الفيديو ده.
كتير من المصريين المسافرين بره بيدوروا على وسيلة مضمونة عشان يبعتوا حوالات لإهلهم، ولأننا في عصر التكنولوجيا والسرعة فتطبيق "انستا باي" هيوفر لك كل اللي محتاجه، خاصة وإن في أكتر من 11 مليون مصري بيستخدموه داخل مصر
ومؤخرا، البنك المركزي، أعلن عن إطلاقه لأحدث خدمة لعملائه عشان تسهل تحويل الأموال من خلال التطبيق للمصريين في الخارج، وهي طريقة سهلة بيتم استقبال الحوالات الواردة بأي عملة أجنبية مع تحويلها للجنيه المصري في حساباتهم بشكل لحظي، والخدمة دي أطلقها البنك رسميًا، وشغالة في أي وقت وعلى مدار الأسبوع.
كمان، خدمة استقبال التحويلات الخارجية إلكترونيًا هتيح للعملاء تحويل الأموال من الخارج لداخل مصر، طب يا ترى هل الخدمة الجديدة دي خضعت لاختبارات تشغيلية قبل الإطلاق الرسمي؟
بص يا سيدي، البنك المركزي أطلق خدمته الجديدة دي بعد التشغيل التجريبي لها للتأكد من الخدمة، وراقب كويس الالتزام بتراخيص التشغيل والموافقات اللازمة للبنوك العاملة ضمن النظام المصرفي المصري مع تفعيلهم لتلك الخدمة واستقبال الحوالات المالية الواردة من الخارج مع إضافتها لحظيًا لحساب العميل بكل البنوك، عبر استخدام شبكة المدفوعات اللحظية "انستا باي".
طب هل ينفع أي عميل في العالم، يحول الفلوس عبر تطبيق إنستا باي ؟
أيوه، ممكن أي عميل في أي دولة في العالم يعمل كده ويستخدم خدمة تحويل الأموال عبر التطبيق من أي بنك أجنبي، بشرط ألا يكون على تلك الدولة عقوبات دولية بتحظر تبادل المعاملات المصرفية.
طب إزاي يحصل العميل في مصر على الحوالة الواردة من أي دولة في العالم؟
هنا بتقوم البنوك في مصر بتحويل أي عملة واردة عبر إنستاباي، زي الدولار واليورو والجنيه الإستراليني والريال السعودي والدرهم الإماراتي والدينار الكويتي وغيرها إلى ما يعادل سعر صرف الجنيه في حساب العميل.
طب إزاي بيتم التحويل عبر تطبيق إنستا باي؟
بيبدأ عمل خدمة تحويل الأموال من الخارج بالعملة المحلية بعد طلب العميل من البنك الأجنبي، مراسلة بنك مصري لإجراء التحويل بالعملة الأجنبية، وفقا للمبلغ اللي بيحدده العميل عن طرق خدمة إنستا باي، ومن هنا بيتولى البنك المصري المستقبل لعملية التحويل الخاصة بالحوالة الواردة من العملة الأجنبية وبما يعادلها بالجنيه المصري وفق سعر الصرف المعلن في نفس اليوم، وبعد كده بيتم إيداعه في حساب العميل في مصر بنفس اللحظة.
طب هل في رسوم مقررة على الخدمة دي عن طريق تطبيق إنستا باي؟
ايوه، بتخضع معاملات تحويل الأموال من الخارج عبر تطبيق إنستا باي لبعض الرسوم، بتتحدد وفقا لتعريفة الخدمات المصرفية بين البنك المراسل بالخارج والبنك المصري، ومن خلال الخدمة دي، ممكن أي عميل مشترك في تطبيق إنستاباي التحويل لحظيا من الخارج إلى داخل مصر بسعر صرف أي عملة أجنبية لحظيا، وهنا بيتم الاستلام بالعملة المحلية لأي مبلغ.
طيب، هل تطبيق إنستا باي بيتمتع بموثوقية في التعاملات المالية؟
من يوم ما التطبيق ده أطلق بشكل رسمي في شهر مارس سنة 2022، وهو جذب 11.5 مليون مستخدم ضمن شبكته القومية للتحويلات اللحظية، وده لحد نهاية نوفمبر الماضي، ومتوقع وصول إجمالي قيمة معاملاته لنحو 2.7 تريليون جنيه نهاية السنة دي، يعني اطمن فلوسك وتحويلاتك في إيد أمينة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
