نفسك تشتري عربية جديدة بس مش عارف تبدأ منين؟ دايماً بتسمع عن القروض اللي بتساعدك في شراء السيارة لكن مش عارف إزاي تلاقي أقل الفوائد؟ النهاردة هنتكلم عن أفضل العروض للحصول على قرض سيارة في مصر 2025 بأقل فائدة وازاي تقدر تختار العرض اللي يناسبك وتوفر فلوسك
فى الفترة الأخيرة حصلت تطورات كبيرة في سوق القروض في مصر خصوصًا قروض السيارات.. دلوقتي بقى فيه بنوك كتير بتقدم لك فرص لتمويل شراء سيارة جديدة أو مستعملة بأسعار فائدة منخفضة
بس إزاي تختار العرض الأنسب ليك؟
أول حاجة لازم تعرف إن في نوعين من قروض السيارات.. القرض الشخصي لشراء سيارة و ده بيتيحلك شراء سيارة جديدة أو مستعملة من خلال القرض الشخصي لكن الفايدة بتكون شوية أعلى من قروض السيارات المخصصة.. والقرض الخاص بالسيارة وده قرض مخصص لشراء السيارة فقط وفيه فايدة أقل ومدة سداد مرنة.. وطبعًا في حالتك لو عايز أقل فايدة يفضل تروح على القرض الخاص بالسيارة
طب ايه البنوك اللي بتقدم أقل الفوايد على قرض السيارة فى 2025؟
لو بتدور على قرض سيارة بفائدة منخفضة عندك أكتر من بنك يقدر يساعدك .. منهم البنك الأهلي المصري اللى ببيقدملك قرض سيارة بفائدة تبدأ من حوالي 12% سنويًا وده من أحسن العروض لو كنت عايز تمويل بدون رسوم خفية كمان، مدة السداد بتكون مرنة لحد 7 سنين
وفيه بنك مصر اللى عنده عرض خاص لتمويل شراء السيارات بفائدة تبدأ من 14%، وده يعتبر جيد مقارنة بالبنوك التانية لو كنت مهتم بسيارة جديدة عندهم عروض مميزة على القروض
وفيه كمان بنك CIB اللى بيقدم تمويل سيارات بفائدة تبدأ من حوالي 13% وميزة بنك CIB هي السرعة في الموافقة على القروض لو أنت محتاج تمويل بسرعة.
بنك أبوظبي الإسلامي واحد من البنوك اللي بتقدم فائدة تنافسية تبدأ من 11%، مع مدة سداد مرنة وأقساط مريحة. ده بيخلي البنك خيار مميز لو كنت بتدور على قرض بسيط وسريع
بس عشان تقدر تختار العرض الأنسب ليك لازم تشوف مش بس الفايدة لكن كمان الرسوم الإضافية وأقساط السداد في بعض البنوك بيكون عندهم رسوم إدارية عالية فمهم تقارن بينهم.. مثلاً بنك ممكن يكون عنده فايدة أقل من بنك تاني لكن لو فيه رسوم إدارية كبيرة ممكن تزيد من التكلفة الكلية للقرض حاول دايمًا تسأل عن أي رسوم إضافية زي التأمين أو الرسوم الإدارية علشان متتفاجئش بعدين
طب ايه شروط القرض والتمويل؟
قبل ما تبدأ تقدم على القرض لازم تتأكد من شروط القرض زي الحد الأدنى للراتب الشهري لو كنت مش شغال في وظيفة ثابتة ممكن ما تقدرش تستفيد من بعض العروض.. وكمان الضمانات المطلوبة أكتر البنوك بتطلب منك ضامن أو ضمانات معينة قبل ما تديك القرض وكمان بعض البنوك بيشترطوا أن يكون عمرك فوق 21 سنة وعندك وظيفة ثابتة عشان تقدر تأخذ القرض
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
