كتير من المصريين بيلجأوا للبنوك لما يجوا يشتروا شقة، فبياخدوا قرض بضمان أي حاجة هم بيمتلكوها أو بضمان الوظيفة مثلا، عشان ياخدوا شقة الأحلام، والحالة دي اسمها تمويل عقاري.
في نفس الوقت، البنوك المصرية بتتيح التمويل العقاري للمواطنين عشان يشتروا وحداتهم السكنية، وعلى رأس البنوك دي هو بنك التعمير والإسكان، فبيوفر للعملا شراء العقار ضمن مبادرة البنك المركزي المصري للتمويل العقاري لمحدودي ومتوسطي الدخل بفايدة 3%.
طب إيه نظام التمويل العقاري من بنك التعمير والإسكان؟
بص يا سيدي، بيتم توفير التمويل العقاري أو فلوس شراء الشقة للعملاء اللي بتنطبق عليهم شروط مبادرة البنك المركزي بسعر عائد 3%، بيُحسب على أساس متناقص لمدة 30 سنة، وهنا لازم يكون العميل مصنف من ضمن فئات محدودي أو متوسطي الدخل حسب موافقة وتصنيف صندوق الإسكان ودعم التمويل العقاري.
أما بالسنة لشروط التمويل العقاري، فلازم سن العميل يكون من 21 سنة لحد 65، وده للموظفين ولأصحاب المهن الحرة والمستشارين والقضاة وأساتذة الجامعة.
وبيكون الحد الأقصى للسن 75 سنة لأصحاب المعاشات عند استحقاق القرض، بشرط سداد 40% بحد أدنى من قيمة الوحدة كدفعة مقدمة مع تحويل المعاش للبنك.
كمان، لازم قيمة القسط لا تتجاوز 40% من الدخل، وكمان سعر الوحدة لمتوسطي الدخل لازم يكون مليون و400 ألف جنيه.
أما السعر لمحدودي الدخل، فبيكون وفقاً لما يحدده صندوق الإسكان الاجتماعي، وممكن يدفع محدودي الدخل 10% مقدم.
أما متوسطي الدخل، فبيدفعوا مقدم 15% في حال كان سعر الوحدة بيوصل مليون و100 ألف جنيه، بس لازم مقدم 20% في حال كان سعر الوحدة من مليون و100 ألف جنيه لحد مليون و400 ألف جنيه.
كمان، بنك قناة السويس هيديك قرض بيوصل ل 2 مليون جنيه يعني ما يعادل 80% من قيمة الوحدة السكنية، وبفايدة 8% متناقصة، وبيطرح الأوبشن ده كنوع من المشاركة في مبادرة البنك المركزي المصري للتمويل العقاري لفئة العمال متوسطي الدخل.
ولكن، لازم يتوافر في حضرتك بعد الشروط عشان تقدر تاخد القرض ده، واللي أهمها إن يكون الحد الأقصى لسعر الوحدة 2.5 مليون جنيه، ومن هنا بتصل مدة التمويل حتى 25 سنة.
ضيف على ده، إن القرض ده بيتيح لحضرتك وثيقة تأمين على حياة المقترض مجانا طوال مدة القرض، وكمان وثيقة تأمين على الوحدة اللي عايز تمويلها مجانا ضد مخاطر الحريق والكوارث الطبيعية، وبيكون سعر العائد ثابت طبقا لمبادرة البنك المركزي.
ونقدر نقول إن شروط مبادرة البنك المركزي لمتوسطي الدخل، منها إن يحق للعميل الاستفادة من المبادرة لوحدة سكنية واحدة بس، وبشرط عدم استفادة العميل من مبادرة التمويل العقاري السابقة، بغض النظر عن أي قروض عقارية تم أو سيتم الحصول عليها من قبل العميل خارج إطار المبادرة، كمان لازم تكون الوحدة كاملة التشطيب وجاهزة للسكن.
أما المستندات العامة المطلوبة، فهي صورة ضوئية من بطاقة الرقم القومي، وأصل فاتورة المرافق (مياه-كهرباء-غاز) آخر 3 أشهر.
وبخصوص مستندات للموظفين، فلازم خطاب مفردات مرتب مختوم ومعتمد، وطلب تحويل راتب أو القسط الشهري غير قابل للإلغاء، في حاله تحويل الراتب، أو القسط، وكمان وثيقة التحقق من التأمينات الاجتماعية في حالة لو ماكنتش واضحة في وثيقة التحقق من الراتب او الهوية.
أما مستندات أصحاب الشركات والمهن الحرة، فمطلوب من حضرتك مستخرج حديث من السجل التجاري لأصحاب الشركات أو تصريح مزاوله مهنه وكارنية النقابة وترخيص منشأة لأصحاب المهن الحرة والأطباء، وكمان صورة من البطاقة الضريبية، وكشف حساب بنكي لآخر 6 أشهر.
فلو حضرتك عايز تاخد القرض، فجهز ورقك واطلع على أقرب فرع لبنك التعمير والإسكان أو بنك قناة السويس، عشان تاخد القرض وتشتري شقة أحلامك.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
