محطات مترو فيها واي فاي مجاني.. اعرف الحكاية؟ - غاية التعليمية

غاية التعليمية يكتُب..  

اخر الاخبار العاجلة عبر غاية التعليمية أخبار محلية ودولية، وكذلك أخبار الر ياضة وخاصة كرة القدم يلا كورة و يلا شوت اليوم.

مفاجأة سارة أعلنها الخط الأخضر التالت لمترو القاهرة، وده اللي بتشغله شركة آر إي تي بي ديف للنقل تحت إشراف الهيئة القومية للأنفاق ووزارة النقل والمواصلات.. تعالوا نعرف إيه القصة دي..

الخط الأخضر التالت لمترو القاهرة اطلق خدمة الواي فاي المجاني، بالتعاون مع شركة أورانج مصر، بهدف تحسين الخدمة المقدمة للركاب.
الخدمة دي هتكون موجودة في 8 محطات وهي العتبة وباب الشعرية، الجيش، العباسية، أرض المعارض، الاستاد، كلية البنات، والأهرام.
يعني لو عايز تنجز اي شغل أو تعمل اتصال على النت ممكن تركب مترو من المحطات دي، المبادرة دي طبعا تخص الخط الأخضر التالت وبتهدف لتوفير تجربة تنقل متكاملة مريحة للمستخدمين.
المبادرة دي هتحول مترو الانفاق من مجرد وسيلة نقل، لعنصر أساسي في الحياة اليومية.
مهم كمان اقولك أن غرامات مترو الأنفاق بتوصل لـ 1000 جنيه في بعض المخالفات، وبتبدا من 50 جنيه، ودي هتدفعها لو تجاوزت منطقة السفر المحددة، او استخدمت تذكرة الرحلة الواحدة في الذهاب والعودة، أو تجاوزت الوقت المحدد للتذكرة ساعتين مثلا، أو تجاوزت منطقة الاشتراك المحدد بالكارت الذكي.

وخلي بالك بقى أنك هتدفع 100 جنيه غرامة لو استخدمت تذكرة مخفضة وانت متستحقش أ عديت من بوابات التذاكر الإلكترونية من غير تذكرة.
او لو استخدمت اشتراك منتهي الصلاحية، هتدفع غرامة 300 جنية، ولو استخدمت اشتراك حد تاني هتدفع غرامة 50 جنيه..
اما بقى لو استخدمت اشتراك كبار السن فوق الـ 70 سنة، هتدفع 1000 جنيه وكمان 50 جنيه وهيتسحب الاشتراك أو هيقف خالص.
او لو حصل واتسببت في تأخير القطاراات هتدفع 300 جنيه لكل دقيقة تأخير اتسببتها.
ولو انت مدخن وفكرت في التدخين جوه محطة المترو هتدفع 250 جنيه غرامة، ولو رميت مخلفات هتدفع 250 جنيه.
ولو راجل وركبت عربية سيدات من غير الأوقات المخصصة هتدفع 250 جنيه، ولو فكرت وعديت شريط السكة الحديد هتدفع 250 جنيه.
ولو فكرت تعلق أي ملصق أو اعلان من غير تصريح فانت هتدفع 250 جنيه.
كده خلصت تفصيلتنا النهاردة ولازم تعرف الغرامات دي وتخلي بالك منها عشان متعرضتش نفسك للخطر.