يا ترى مصر هتكسب إيه من تنقيذ شبكة القطارات السريعة الجديدة اللي هتمتد بطول 2000 كم، وهتغظي كل محافظات الجمهورية، هل هيبقي مشروع نقل جماعي حكومي زي المترو مثلا أو قطارات السكة الحديد، ولا هيكون له عائد اقتصادي واستثماري مختلف وهيقدر يحذب رؤوس الأموال.
طبعا، مصر ممثلة في وزارة النقل بتنفذ دلوقتي شبكة واسعة للقطارات السريعة اللي هتكون على 3 خطوط، وهتغطي كل محافظات الجمهورية وبالتالي هتنقل كل المواطنين، وهتنافس بقوة قطارات السكة الحديد.
ولكن، رغم أهمية المشروع في إنه مشروع نقل جماعي سريع ومتطور ونضيف وصديق للبيئة، إلا إن مكاسب المشروع هتضم مصر لقائمة الدول الكبار المشغلة لشبكات القطارات السريعة.
ونقدر نقول، إن مصر بتستهدف تحقيق 7 مكاسب من انضمامها لمشغلي القطارات فائقة السرعة خلال الفترة الجاية، وده هيحصل بعد تشغيل أول خط، اللي يمتد من العين السخنة حتى مرسى مطروح، مرورا بالإسكندرية والعلمين الجديدة، بطول 675 كيلومترا.
ولحد دلوقتي، تم فرد البازلت وتثبيت القضبان وأعمدة الطاقة بالتزامن مع إنشاء المحطات، كمان بيتم وضع قضبان السكة بعد إنشاء المسار الخاص بالخط واللي هيمر بعدد كبير من المدن المصرية.
كمان، الشركات المنفذة قربت تخلص مخطط سير حركة الركاب من المدخل الرئيسي لكل محطة عشان توصل لصالات التذاكر والتنقل بين الأرصفة وتوافر المصاعد لتسهيل تنقل الركاب، وكمان هيتم الاستغلال الإداري والاستثماري الأمثل لكل المساحات بالمحطات المختلفة.
وسبق إن وزارة النقل، أطلقت على الخط الأول من مشروع القطار السريع اسم "الخط الأخضر"، واللي هربط بين مدينة العين السخنة على ساحل البحر الأحمر بمحافظة السويس ومدينة مرسى مطروح على ساحل البحر الأبيض المتوسط بمحافظة مطروح، بطول 660 كم.
وبتصل تكلفة الخط الأول من القطار الكهربائي السريع حوالي 4.45 مليار دولار، وهيشتغل على الخط ده 15 قطار سريع بسرعة تصميمية تبلغ 230 كم/س، 24، وكمان قطار إقليمي بسرعة 160 كم/س، و15 قاطرة بضائع بسرعة 120 كم/س، وهنا زمن الرحلة بالقطار السريع بيوصل ل 4 ساعات بس.
أما عن المكاسب الاقتصادية للمشروع ككل، فوزارة النقل بتستهدف تسهيل حركة تنقل الركاب داخل المحافظات، ودعم حركة التبادل التجاري الداخلي، مع خلق فرص استثمارية جديدة بمحافظات الصعيد.
كمان، المشروع ده هيوفر فرص عمل داخل المحطات والمجتمعات الجديدة، كمان هدعم المناطق العمرانية والسكنية الجديد من خلال توفير وسائل النقل الحضرية، ومش بس كده ده هيساهم في ربط الموانئ البرية والبحرية وهيدعم حركة التجارة الدولية.
ومن أهم مميزات القطارات الكهربائية السريعة عن غيرها من القطارات، هي إن سرعة القطار تبلغ 160 كيلومترا، وبيربط القطار بين المحافظات المصرية والموانئ التجارية، كمان بتصل القدرة الاستيعابية للقطار في الرحلة الواحدة إلى 849 راكبا، وبيضم القطار مكبرات صوت داخلية، لأنه مزود بشاشات تلفزيونية كاميرات مراقبة.
وبيبلغ طول القطار نحو 105 أمتار، ويضم 389 مقعدًا للركاب، وكمان مزود بمجموعة من الخدمات لذوي الاحتياجات الخاصة، وأخيرًا فالقطار السريع هيقطع المسافة من القاهرة إلى أسوان في أقل من 4 ساعات.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
