علق الإعلامي أحمد شوبير، على عقوبة النادي الأهلي على إمام عاشور، لاعب خط وسط الفريق الأول لكرة القدم بالقلعة الحمراء، وذلك بعد مشادته مع محمد الشناوي، قائد الفريق.
وقال أحمد شوبير، في تصريحات تلفزيونية عبر فضائية «الأهلي»: «لازم اتكلم على موضوع إمام عاشور، لأنه مهم جدًا لأن الجمهور من حقه يعرف والناس من حقها تعرف ومن حق الناس تعرف الدنيا تدار إزاي لأن ده مهم جدًا».
وأضاف: «أنامش من النوع اللي بينفعل لخسارة الأهلي نقطتين، الأهلي قادر أنه يعوض وقادر يفوز بالدوري بمنتهى السهولة».
وتابع: «في حاجة بتتعمل بشكل كويس والبعض حاول يشوهها، انت مشهور بالنظام والانضباط، في عقوبة وقعت على إمام عاشور، مفيش خروج عن النص، في سلوك غير رياضي داخل غرفة خلع ملابس الأهلي، فتصرف المدير الرياضي ومدير الكرة بما له من صلاحيات بالاتفاق مع المدير الفني، واليوم هو اليوم الثالث للعقوبة، إمام عاشور، التزم وبيتمرن».
وأتم: «كان نفسي بس اللي اتنشر يتراجع مع حد عشان يبقى اعتذار للأهلي بس، مفيش ما يدعو إنك ترمي على حد كلمتين، هما أصلا ميستهلوش إنك ترمي عليهم كلمتين بمنتهى الأمانة، لأنك مهما عملت مبادرات جيدة اتجاهمـ دايمًا متاخدة بصورة الشك والاتهام طول الوقت، خليك في حالك وامشي في سكتك».
