دخول القطاع الخاص في إدارة المطارات المصرية واحد من اهم الملفات الموجودة علي مكتب الحكومة دلوقتي.. ياتري اية اللي تم في الملف ده.. ومين الشركات اللي قدمت للدخول في إدارة وتشغيل المطارات.. تابعونا للآخر وهتعرفوا التفاصيل
من فترات طويلة الحكومة أعلنت عن استراتيجية للشراكة مع القطاع الخاص في قطاعات كتيرة جدا في الدولة، وده ضمن برامج الحكومة للتخارج من قطاعات الملكية العامة ودخول القطاع الخاص ضمن برنامج الطروحات الحكومية، وده بهدف زيادة دورها الاقتصادي، والخدمات اللي بتقدمها للمواطنين.
قطاع المطارات واحد من القطاعات اللي بدأت تظهر في الصورة، وده بعد ما الحكومة تعاقدت مع استشاري دولي له خبرة كبيرة علشان يحط خطة متكاملة لعملية طرح ادارة المطارات المصرية وتنظيم حركة تدفق المسافرين وتأدية الخدمات، بأفضل عروض.
طيب اية الجديد في موضوع طرح المطارات للشراكة مع القطاع الخاص؟.
الدراسة اللي قدمها الاستشاري الدولي، بتشمل دعوة أهم وكبرى الشركات العالمية المتخصصة في مجال الطيران المدني لتقديم عروض الدخول وإدارة المطارات المصرية، وفعلا كان تحالف حسن علام ومجموعة مطارات باريس قدموا مقترح بالشراكة بين الشركتين للتعاون مع الحكومة المصرية في تشغيل وإدارة المطارات .
رئيس الوزراء المصرى مصطفى مدبولى في اليومين اللي فاتوا عمل اكثر من اجتماع لمناقشة المقترح المصري الفرنسي اللي واللي ليها شراكات في 26 مطارا في 18 دولة، واشتغلت في مصر كمشغل لأكتر من مطار في فترة الألفينيات، علشان يناقشوا تفاصيل العرض بتاعتهم للدخول في إدارة وتشغيل المطارات .
التحالف المصري الفرنسي في الفترة اللي فاتت طلبوا عقد ورش عمل مع مسؤولي وزارة الطيران المدني لمناقشة خطة طرح المطارات بصورة كبيرة وبتفاصيل أكتر، وفعلا وزير الطيران سامح حنفي رحب بالطلب بتاع التحالف، ورحب بيه علشان يشوفوا ويسمعوا بوضوح لرؤية بتاعتهم، وكمان يناقشوا خطة طروحات المطارات.
تحالف حسن علام، أكد أنه عنده رغبة كبيرة للتعاون مع الحكومة في مجال المطارات لتحقيق مستهدفات الحكومة لرفع الطاقة الاستيعابية للمطارات وتيسير حركة الوصول والسفر والبضائع وتطوير حركة السياحة الوافدة لمصر من الدول الخارجية واستهداف جذب 30 مليون سائح بحلول 2028 ومضاعفة الطاقة الفندقية العاملة بدرجة تترواح من 450 الي 500 ألف غرفة في 2030.
طيب اية هيا المطارات اللي هتكون في بداية الطرح الحكومة للمطارات للقطاع الخاص؟.
مصر عندها عدد كبير من المطارات بيوصل لـ23 مطار، ده غير مطار القاهرة الدولي واللي هو الأكبر والرئيسي في مصر، وطرح المطارات للشراكة مع القطاع الخاص جاي في أطار خطة الدولة للوصول بعدد الركاب سنويا لـ 72.2 مليون راكب بنهاية 2025، والوصول إلى 110 ملايين راكب سنويا في نهاية عام 2030.
المرحلة الأولى من ملف طرح المطارات المصرية على القطاع الخاص هيشمل مطارات القاهرة الدولي وسفنكس غرب القاهرة والعلمين الجديدة وشرم الشيخ والغردقة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
